Türkiyə və İsrail nümayəndə heyətləri Azərbaycanda regional təhlükəsizlik məsələləri ilə bağlı danışıqlar aparıblar.
Bu barədə İsrailin baş naziri Binyamin Netanyahunun ofisinin saytındakı rəsmi bəyanatda deyilir.
Milli Təhlükəsizlik Şurasının direktoru Tzachi Haneqbinin başçılıq etdiyi İsrail nümayəndə heyəti Müdafiə Nazirliyi və təhlükəsizlik rəsmilərinin iştirakı ilə aprelin 9-da axşam saatlarında Türkiyə nümayəndə heyəti ilə görüşüb.
“İsrail bu mühüm danışıqların təşkilinə görə Azərbaycana və Prezident İlham Əliyevə təşəkkür edir”, – ofisdən bildirilib.
Müzakirələr zamanı tərəflər regional maraq doğuran məsələlərə toxunub və təhlükəsizliyin qorunması məqsədilə dialoqun davam etdirilməsi barədə razılığa gəliblər.
DOĞRU.AZ
