“Aydınlık” qəzetinin yazdığına görə, Ukraynanın yeni müdafiə naziri Rüstəm Umerov ABŞ-ın bölgədəki planlarını həyata keçirəcək və Ankaranın 2016-cı ildə dövlət çevrilişi cəhdi ilə əlaqələndirdiyi Türkiyədə qadağan olunmuş Fətullah Gülən Təşkilatı (FETÖ) ilə əlaqələri var.
Bu barədə qəzet mənbələrə istinadən məlumat yayıb.
Prezident Vladimir Zelenski Aleksey Reznikovun müdafiə naziri vəzifəsindən istefa verdiyini və bu vəzifəyə Dövlət Əmlak Fondunun keçmiş rəhbəri Rustem Umerovun təyin edildiyini açıqlayıb.
Rusiyanın müdafiə naziri Sergey Şoyqu Moskvada Türkiyənin xarici işlər naziri Hakan Fidanla görüşündə Umerovun Ukrayna Müdafiə Nazirliyinin rəhbəri vəzifəsinə təyin olunmasını şərh edib.
Umerov 1982-ci ildə anadan olub və əvvəllər Ukrayna Dövlət Əmlak Fondunun prezidenti və Ukrayna prezidentinin xüsusi nümayəndəsi vəzifələrində çalışıb. Nəşrin məlumatına görə, Umerov ABŞ-ın regiondakı planlarını ifadə edən və həyata keçirən siyasətçidir.
Ukraynadakı yerli mənbələrdən əldə edilən məlumata görə, Umerov Krım Təhsil Nazirliyinin açdığı istedadlı uşaqlar üçün internat məktəbində təhsil alıb. Bu müddət ərzində məktəb FETÖ-dən dəstək alıb.
Mənbə: A haber
