Türkiyədə yeni növ koronavirusdan (COVID-19) sutka ərzində 73 nəfər ölüb.
Doğru.az xəbər verir ki, bu barədə Türkiyənin səhiyyə naziri Fahrettin Koca məlumat verib.
O bildirib ki, son 24 saatda simptomları müəyyən edilməyən xəstələrlə birlikdə daha 9 572 nəfər COVID-19 infeksiyasına yoluxub.
Bu gün 6 210 nəfər sağalıb, ağır xəstə sayı isə 1 192 olub.
Qeyd edək ki, Türkiyədə indiyədək 2 674 766 COVID-19 xəstəsi qeydə alınıb, onlardan 2 546 503 nəfər sağalıb, 28 358 nəfər isə ölüb.