Türkiyənin xarici işlər naziri Mövlud Çavuşoğlu ölkənin müxalifət qüvvələrinin Rusiya Federasiyasına qarşı sanksiyalara qoşulmasının zəruriliyi ilə bağlı bəyanatlarını tənqid edib. Xarici işlər naziri “Habertürk”ə müsahibəsində belə tədbirləri riskli adlandırıb.
“Bu bəyanatlar daxili iqtisadiyyat və enerji üçün çox risklidir. Bunu anlamaq lazımdır”, – Çavuşoğlu bildirib.
Daha əvvəl Çavuşoğlu bildirib ki, Türkiyə hakimiyyəti BMT səviyyəsində Rusiyaya qarşı məhdudlaşdırıcı tədbirlər tətbiq olunmayana qədər onları dəstəkləmək fikrində deyil. Onun sözlərinə görə, Ankara Şimali Atlantika Alyansına üzv olmasına baxmayaraq, öz maraqlarını prioritet olaraq saxlayır.
Doğru.az
