Ukraynanın xarici işlər naziri Dmitri Kuleba bildirib ki, Kiyev nə qədər vaxt aparsa da, itirdiyi bütün əraziləri qaytaracaq.
“Məqsədimiz qələbədir, 1991-ci il sərhədləri daxilində ərazilərimizin azad edilməsi formasında qələbədir. Və bunun nə qədər çəkəcəyi bizi maraqlandırmır”, – diplomat bildirib.
Onun sözlərinə görə, ukraynalılar bu məqsədi paylaşdıqca, hökumət öz xalqı ilə “yan-yana” hərəkət edəcək.
2022-ci ilin noyabrında Ukrayna Prezidenti Vladimir Zelenski G20 sammitində çıxışı zamanı 10 bənddən ibarət “sülh formulu” elan etdi. O cümlədən, sənəddə 1991-ci il sərhədləri daxilində Ukrayna ərazisinin bərpası, “hamı hamı üçün” düsturuna əsasən məhbusların mübadiləsi, nüvə, ərzaq və enerji təhlükəsizliyinin təmin edilməsi nəzərdə tutulur.
Mənbə: A haber
