Yaponiya Yeddilik Qrupunun (G7) sədri kimi Ukraynadakı münaqişə ilə əlaqədar Rusiya Federasiyasına qarşı sanksiyaları davam etdirəcək, lakin siyasət qurarkən öz milli maraqlarından çıxış edəcək.
TASS xəbər verir ki, bunu Yaponiyanın xarici işlər naziri Yoko Kamikava deyib.
Diplomat qeyd edib ki, iqtisadi fəaliyyətlər, o cümlədən balıqçılıq və dəniz təhlükəsizliyi kimi məsələlər var ki, onların üzərində Yaponiya və Rusiya qonşular kimi əlaqə saxlamalıdır.
Yoko Kamikava vurğulayıb ki, bu məsələlərlə bağlı Yaponiya xarici siyasətdə milli maraqlarını önə çıxaran şeylərə əsaslanaraq müvafiq şəkildə cavab verəcək.
DOĞRU.AZ
