Yaponiya Xarici İşlər Nazirliyi Moskvaya səfər edən yapon deputat Muneo Suzukinin Rusiya nümayəndələri ilə danışıqlarının təfərrüatlarını öyrənmək fikrində deyil.
TASS xəbər verir ki, bunu Xarici İşlər Nazirliyinin rəhbəri Yoko Kamikava deyib.
“Biz deputatın və Rusiya tərəfinin bəyanatlarından xəbərdarıq. Hazırda Xarici İşlər Nazirliyi Suzukinin səfərinin təfərrüatları ilə bağlı izahat almağı planlaşdırmır”.
Oktyabrın 3-də 2022-ci ilin fevralından Rusiyaya səfər edən ilk yaponiyalı deputat olan Suzuki Moskva ilə dialoqun davam etdirilməsinin vacibliyini bəyan edib.
Mənbə: TASS
