image-2000x150px
image-123
image-ads_atlas
image-892324cb-2b1e-3f18-a71c-c58eb482c5d1_850backend

Yeni təyin olunmuş hakimlər and içdilər – FOTO

image-728x90px

Bu gün Ali Məhkəmənin Plenumunun növbəti iclasında Prezident İlham Əliyevin mayın 13-də imzaladığı sərəncamla birinci instansiya məhkəmələrinə təyinat alan 27 hakimin andiçmə mərasimi keçirilib.

Bu barədə Ali Məhkəmə məlumat yayıb.

Bildirilib ki, Ali Məhkəmənin sədri İnam Kərimov yeni təyin olunmuş hakimləri təbrik edərək onlara gələcək fəaliyyətlərində uğurlar arzulayıb. Sədr yeni hakimlərə şərəfli hakim adını hər zaman uca tutmağı, ədalətli, vicdanlı və məsuliyyətli olmağı tövsiyə edib.

Sonra hakimlər növbə ilə andiçmə üçün kürsüyə dəvət olunub. Onlar “Məhkəmələr və hakimlər haqqında” Qanunun tələbinə əsasən ədalət mühakiməsini Azərbaycan Konstitusiyasına və qanunlarına tam uyğun olaraq, qərəzsiz, ədalətlə həyata keçirəcəyinə, hakimin müstəqilliyini və ləyaqətini qoruyub saxlayacağına, yüksək hakim adına hörmət ruhunda davranacaqlarına and içiblər.

Hakim vəzifələrinə yeni təyin olunmuş şəxslərə hakimin xüsusi geyim forması təqdim olunub.

DOĞRU.AZ

image-f84ed269-188b-3f71-b324-2f57d98ea9fd image-47300feb-5411-36fc-affb-2df9a8d03b70

image-nerjbanner

  • whatsapp
  • messenger
  • telegram
  • vkontakte
  • odnoklassniki