Rusiya Xarici İşlər Nazirliyinin rəsmi nümayəndəsi Mariya Zaxarova Ukrayna prezidentinin aparatının rəhbərinin müşaviri Mixail Podolyakın tərəfdaş ölkələrin Krıma hücumlarda Kiyevi dəstəkləməsi ilə bağlı sözlərinə münasibət bildirib.
“Bu, sirr deyil. Ona görə də biz belə bir siyasəti rusofobiya, onun Qərb ideoloqlarını isə dost olmayan rejimlər adlandırırıq”, – Rusiya Xarici İşlər Nazirliyinin nümayəndəsi bildirib.
Ukrayna prezidentinin aparat rəhbərinin müşaviri Mixail Podolyak telemarafon ərəfəsində bildirib ki, tərəfdaş ölkələr Krıma hücumlara görə Kiyevə icazə veriblər. O qeyd edib ki, bu gün Ukraynanı dəstəkləyən ölkələrin sayı ilə eyni olan mütləq konsensus əldə olunub ki, Kiyev “işğal olunmuş ərazidə” rusların hər şeyini məhv edə bilər. O, həmçinin əlavə edib ki, Rusiya Federasiyasını vuran “naməlum dronların” sayı artacaq.
Mənbə: TASS
