Ukrayna ilə Rusiya arasında sülh danışıqları yalnız Rusiya qüvvələrinin geri çəkildiyi təqdirdə mümkündür.
Reuters xəbər verir ki, bunu Kiyevdə Afrika liderləri ilə görüşdən sonra Ukrayna prezidenti Vladimir Zelenski deyib.
Ukrayna liderinin sözlərinə görə, indi Rusiya ilə istənilən danışıqlar münaqişənin dondurulmasına gətirib çıxaracaq.
Cənubi Afrika Respublikasının Prezidenti Siril Ramafosa da öz növbəsində qeyd edib ki, Afrika ölkələri Ukraynanın sülh yolu ilə nizamlanmasında bundan sonra da iştirak etməyə hazırdır.
