Sabunçu Rayon Prokurorluğu və rayon polis idarəsinin əməkdaşlarının birgə həyata keçirdiyi istintaq və əməliyyat-axtarış tədbirləri nəticəsində 2014-cü ilin noyabrında 1977-ci il təvəllüdlü Namiq Naib oğlu Hənifənin qəsdən öldürülməsi müəyyən olunub.
Doğru.az xəbər verir ki, araşdırmalar zamanı 1990-cı il təvəllüdlü, Azərbaycan vətəndaşı Hüseyn Gülağa oğlu Cəfərovun Namiq Hənifəyə bıçaqla xəsarət yetirərək ölümünə səbəb olması ehtimalı üzə çıxıb.
Dekabrın 1-də Hüseyn Cəfərov Cinayət Məcəlləsinin 126.3-cü maddəsi ilə təqsirləndirilən şəxs qismində cəlb olunub, ona ittiham elan edilib və Sabunçu Rayon Məhkəməsinin qərarı ilə həbs qətimkan tədbiri seçilib.
Baş Prokurorluq və Daxili İşlər Nazirliyi bildirir ki, əvvəlki illərdən bağlı qalmış cinayətlərin açılması daim diqqət mərkəzində saxlanılır və bu istiqamətdə işlər davam etdirilir.
DOĞRU.AZ
