Doğru.az xəbər verir ki, 18 May – Beynəlxalq Muzeylər Günüdür. Bu əlamətdar gün 1977-ci ildən etibarən Beynəlxalq Muzeylər Şurasının (ICOM) təşəbbüsü ilə qeyd olunur. Hər il müxtəlif devizlərlə keçirilən bu günün builki mövzusu “Sürətlə dəyişən icmalarda muzeylərin gələcəyi” adlanır.
Mədəniyyət Nazirliyinin təşkilatçılığı ilə bu il də ölkəmizdə bir sıra maraqlı tədbirlər və “açıq qapı” aksiyaları təşkil olunub.
Nazirlikdən Doğru.az-a verilən məlumata görə, mayın 13-dən 18-dək respublikanın müxtəlif muzeylərində uşaqlar, gənclər və ictimaiyyət nümayəndələri üçün silsilə tədbirlər keçirilib.
DOĞRU.AZ
