Səhiyyə Nazirliyinin Analitik Ekspertiza Mərkəzi qanunvericiliyə uyğun olaraq əczaçılıq müəssisələrində yoxlamalar aparmağa davam edir.
Doğru.az xəbər verir ki, mərkəzdən verilən məlumata görə, 2025-ci ilin iyul ayı ərzində Bakı şəhəri üzrə 21, respublikanın digər şəhər və rayonlarında isə 27 aptek olmaqla ümumilikdə 48 aptekdə yoxlama həyata keçirilib.
Yoxlamalardan 10-u planlı, 37-si plandankənar, 1-i isə yoxlamadan kənar təftiş xarakterli olub.
Nəticədə 19 aptekdə müxtəlif nöqsanlar aşkarlanıb və İnzibati Xətalar Məcəlləsinin 210.1, 221.1, 452.1 və 452.3 maddələri üzrə inzibati protokollar tərtib edilib.
DOĞRU.AZ
