ABŞ hakimiyyəti Rusiyanın “Şimal axını” qaz kəmərlərində təxribatın arxasında Ukrayna kəşfiyyat xidmətlərinin ola biləcəyi ilə bağlı xəbərləri açıq şəkildə şərh etməyəcək.
RİA Novosti xəbər verir ki, bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.
Qurum rəsmisi vurğulayıb ki, söhbət qaz kəmərlərinin partlamasından və ya başqa insidentdən getməsindən asılı olmayaraq hər hansı kəşfiyyat məlumatından danışmaq niyyətində deyil. Kirbi açıq şəkildə bildirib ki, Washington Post qəzetinin verdiyi məlumat ABŞ kəşfiyyatı tərəfindən təsdiqlənməyib.
Kirbi xatırladıb ki, hazırda Almaniya, Danimarka və İsveç qaz kəmərinin təxribatını araşdırır. Onun sözlərinə görə, Vaşinqton öz təxminləri ilə bu araşdırmaların mümkün nəticələrini qabaqlamaq niyyətində deyil.
