ABŞ prezidenti Co Bayden Konqresdə dövlət borcu məsələlərində Respublikaçılar Partiyası ilə dialoqdan imtina etməyə davam edir.
Fox News xəbər verir ki bu barədə Respublikaçı senator Ted Kruz deyib.
Onun sözlərinə görə, Amerika lideri ölkə iqtisadiyyatı ilə rulet oynayır.
“Nümayəndələr Palatasındakı respublikaçılar məsuliyyət daşıyır və Co Bayden… o nə deyir? Deyir, “mən danışıqlar aparmayacağam, bu və ya digər şəkildə heç nəyi qəbul etməyəcəyəm”. Baş verən budur ki, Co Bayden qumar oynayır. Co Bayden Amerika iqtisadiyyatı və Amerika kredit limiti ilə rulet oynamağı dayandırmalıdır” dedi Kruz.
ABŞ senatorunun qeyd etdiyi kimi, Bayden ABŞ hökumətinin heç vaxt defolt etməyəcəyinə zəmanət verə biləcək yeganə şəxsdir. O, həmçinin əlavə edib ki, ABŞ prezidenti qorxu yaratmaq üçün belə bir şey vəd etməməyə üstünlük verir.
“O, birjaları qorxutmaq istəyir. O, istiqraz bazarlarını qorxutmaq istəyir və indi etdiyi iş son dərəcə məsuliyyətsizdir”, – Kruz bildirib.
Mənbə: BBC.com
Doğru.az
