10 iyul 2025-ci il tarixində Ağdərə rayonunun Həsənqaya kəndi yaxınlığında mina partlayışı baş verib.
Doğru.az xəbər verir ki, Azərbaycan Respublikası Daxili İşlər Nazirliyi, Baş Prokurorluq və Minatəmizləmə Agentliyinin birgə məlumatına görə, 1979-cu il təvəllüdlü Quluyev Qulu Tufan oğlu mal-qara otararkən piyada əleyhinə mina partlayışına məruz qalıb və sol ayağından xəsarət alıb.
Hadisə ilə bağlı Tərtər Rayon Prokurorluğunda araşdırma aparılır. Hüquq-mühafizə orqanları dərhal hadisə yerinə cəlb olunub.
ANAMA, DİN və Baş Prokurorluq vətəndaşları təhlükəsizlik qaydalarına ciddi riayət etməyə, mina təhlükəsi olan ərazilərə girməməyə və xəbərdarlıq nişanlarına diqqətlə yanaşmağa çağırır.
DOĞRU.AZ
