Almaniyanın Tübingen Universitetinin Tibb Klinikasının alimləri müəyyən ediblər ki, dərialtı ağ yağ toxumasında kallistatin zülalının ifadəsinin artırılması maddələr mübadiləsini yaxşılaşdırır və arıqlamağa kömək edir.
Tədqiqatın nəticələri Molecular Metabolism jurnalında dərc olunub.
Tədqiqatçılar izah ediblər ki, obez insanlarda arıqladıqdan sonra ağ yağın strukturunda kallistatin zülalının ifadəsi artır. Bu protein bir çox faydalı xüsusiyyətlərə malikdir. İltihab və yaraların sağalmasında iştirak edir, həmçinin qanda qlükoza mübadiləsini normallaşdırır və bununla da diabetin inkişaf riskini azaldır.
Tədqiqatda alimlər əvvəllər arıqlamış insanlardan alınan kallistatini laboratoriya siçanlarına yeridiblər. Bu müdaxilə nəticəsində obez siçanlarda qaraciyərin insulinə həssaslığı artıb. Tədqiqatçılar izah etdilər ki, bu dəyişikliyin nəticəsi kilo itkisinin faydalı metabolik təsirinə nail olmaqdır.
Mənbə: Gazeta.ru
