Yay turizm mövsümündə vətəndaş axını nəzərə alınaraq, təhlükəsizlik və ictimai asayişin təmin olunması məqsədilə müxtəlif bölgələrdə tədbirlər görülməkdədir.
Doğru.az xəbər verir ki, Əmək və əhalinin sosial müdafiəsi naziri Anar Əliyev Daşkəsən rayonunda Daşkəsən və Göygöl rayon sakinləri ilə görüş keçirib.
Görüşdən əvvəl nazir və Daşkəsən Rayon İcra Hakimiyyətinin başçısı Orxan Abbasov Ümummilli Lider Heydər Əliyevin abidəsini ziyarət ediblər.
Görüş zamanı vətəndaşların məşğulluq, əlillik, mənzil təminatı, ünvanlı sosial yardım və digər sosial məsələlərlə bağlı müraciətləri dinlənilib. Müraciət edənlər arasında şəhid ailələrinin üzvləri və müharibə iştirakçıları da yer alıb.
Nazir hər bir müraciəti fərdi qaydada araşdıraraq müvafiq tədbirlər görülməsi üçün tapşırıqlar verib. Qanunvericiliyə uyğun olaraq izahatlar verilib, bəzi vətəndaşlar aktiv məşğulluq və özünüməşğulluq proqramlarına cəlb olunmaq üçün qeydiyyata alınıblar.
DOĞRU.AZ
