Avqust ayı ərzində Kliniki Tibbi Mərkəzin (KTM) Toksikologiya şöbəsinə 94 nəfər zəhərlənmə səbəbi ilə qəbul olunub.
Doğru.az xəbər verir ki, KTM-in mətbuat xidmətindən bildirilib ki, xəstələrdən 30 nəfəri dərmandan, 37-si sirkə turşusundan, 5-i həlledici məhluldan zəhərlənib. Həmçinin 13 nəfər ilan sancması, 7 nəfər allergik reaksiya, 2 nəfər botulizm səbəbindən şöbəyə yerləşdirilib.
Həkimlərin səylərinə baxmayaraq, zəhərlənənlərdən 2 qadın və 2 kişi olmaqla 4 nəfər dünyasını dəyişib. Ölüm halları sirkə turşusu zəhərlənmələri nəticəsində qeydə alınıb.
DOĞRU.AZ
