Avropa ölkələri ABŞ-a Ukrayna ərazisində 30 min hərbçi yerləşdirməyi təklif etmək istəyir.
Bu barədə Britaniyanın “The Daily Telegraph” qəzeti məlumat yayıb.
Jurnalistlər qeyd edirlər ki, bu plan ABŞ və Rusiya nümayəndələrinin Ər-Riyadda apardığı danışıqlardan sonra Parisdə avropalılar tərəfindən irəli sürülüb. Böyük Britaniyanın baş naziri Keir Starmerin gələn həftə planı ABŞ lideri Donald Trampa təklif edəcəyi gözlənilir.
Bundan əvvəl Bloomberg xəbər vermişdi ki, Britaniya və Fransa nizamlanma olarsa, Ukraynada yerləşdirmək istədikləri qüvvələrə ABŞ-dan hava dəstəyi axtarır.
DOĞRU.AZ
