Kardinal Canfranko Ravasi bildirib ki, Papa Fransisk səhhətinin pisləşməsi səbəbindən taxtdan imtina etməyi düşünə bilər.
“Mən belə düşünürəm. Əgər o, rəsmi vəzifələrini yerinə yetirərkən ciddi çətinliklərlə üzləşsə, seçimini edəcək”, – “Corriere della Sera” qəzeti kardinalın sözlərini sitat gətirir.
Kardinal bildirib ki, Papa məsləhət istəsə də, son seçim onun olaraq qalacaq və onun daxili inamına əsaslanacaq.
Kardinal həmçinin qeyd edib ki, 2025-ci il xristianlıq üçün yubiley ili olduğundan, Papa Fransisk ilin sonuna qədər vəzifəsində qalmağı planlaşdırır.
Bundan sonra o, sələfi XVI Benediktin əvvəllər etdiyi kimi, istefa verməyə qərar verə bilər.
Daha əvvəl məlum olub ki, Papa ikitərəfli pnevmoniyaya yoluxub.
DOĞRU.AZ
