Azərbaycan əsilli fransız fotoqraf, “National Geografic” dərgisinin fotoqrafı Rza Diqqəti erməni terroru nəticəsində Bərdədə vəfat edən 7 yaşlı Aysu İsgəndərova ilə bağlı paylaşım edib.
Doğru.az Axşam.az-a istinadən xəbər verir ki, Diqqəti Aysunun yas mərasimində iştirak edib və yayımladığı fotolara bunları qeyd edib:
“Aysu artıq atasına gül gətirməyəcək. Aysu 7 yaşında idi. Erməni bombaları Bərdə şəhərinə düşəndə o, 2 yaşlı bacısı ilə birlikdə çiçək toplamağa getmişdi. Kiçik bacısını bədəni ilə örtdü, onun canını qurtardı, amma özü öldü.
7 yaşında olan Aysu atası Rövşənə artıq çiçək gətirməyəcək. Pərişan Rövşən qızının tabutu məzara qoyularkən onun rahat yatması üçün torpağın saxlanılmasını istədi”.
