Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə həyata keçirilən minatəmizləmə əməliyyatları ilə bağlı həftəlik hesabat yayıb.
Doğru.az xəbər verir ki, dekabrın 1-dən 7-dək aparılan əməliyyatlar zamanı geniş miqyaslı mina və sursatlar aşkarlanaraq zərərsizləşdirilib.
ANAMA-dan bildirilib ki, Tərtər, Ağdərə, Kəlbəcər, Ağdam, Xocalı, Xankəndi, Xocavənd, Laçın, Şuşa, Füzuli, Qubadlı, Cəbrayıl və Zəngilan ərazilərində aparılan minatəmizləmə tədbirləri nəticəsində piyadaəleyhinə 273, tankəleyhinə 366 mina və 1 511 partlamamış hərbi sursat tapılaraq məhv edilib.
Hesabat dövründə ümumilikdə 1 693,4 hektar ərazi mina və partlamamış sursatdan tam təmizlənib.
Əməliyyatlar regionda təhlükəsizliyin bərpası və vətəndaşların təhlükəsiz qayıdışı üçün davam etdirilir.
DOĞRU.AZ
