Hava Nəqliyyatında Baş Gömrük İdarəsində əməliyyat-axtarış tədbirləri zamanı külli miqdarda qızıl məmulatlarının qanunsuz keçirilməsinə cəhdin qarşısı alınıb.
Doğru.az xəbər verir ki, İstanbul-Bakı aviareysi ilə gələn Azərbaycan vətəndaşının əl yüklərində gömrük yoxlaması zamanı ümumi çəkisi 10,883 kiloqram və dəyəri 2,44 milyon manat olan qızıl məmulatlar və 3 karatlıq brilyant aşkar edilib.
Faktla bağlı Azərbaycan Respublikası Cinayət Məcəlləsinin 206.3.2-ci maddəsi ilə cinayət işi başlanıb. İstintaq Dubay-İstanbul-Bakı marşrutu ilə gətirilmiş qızılların izinin müəyyən edilməsi və məsul şəxslərin cəzalandırılması istiqamətində davam edir.
DOĞRU.AZ
