image-n1karobka_ads
image-123
image-pzfkra9plcd1elc6c8j7lql3wlqhrsp7lzlidgx5_1200backend

BDYPİ toy karvanları ilə bağlı sürücülərə müraciət etdi – VİDEO

image-ad_qayo_720x110px

Baş Dövlət Yol Polisi İdarəsi toy karvanlarında yol hərəkəti qaydalarına riayət olunması ilə bağlı sürücülərə müraciət edib.

Doğru.az müraciəti təqdim edir:

*”Toy insan həyatının ən sevincli və unudulmaz günlərindən biridir. Baş Dövlət Yol Polisi İdarəsi də bu münasibətlə bütün ailə quranlara xoşbəxtlik və rifah arzulayır.

Lakin müşahidələr göstərir ki, toy karvanlarına qoşulan bəzi sürücülər yol hərəkəti qaydalarını pozaraq ümumi hərəkət təhlükəsizliyinə ciddi risklər yaradırlar. Sürət həddinin aşılması, təhlükəli manevrlərin edilməsi, səs siqnallarından həddindən artıq istifadə, avtoxuliqanlıq xarakterli davranışlar və digər hərəkət iştirakçılarına maneələrin yaradılması bu qəbildəndir. Belə halların baş verməsi isə həm karvanda iştirak edənləri, həm də digər hərəkət iştirakçılarını təhlükə altında qoyur.*

BDYPİ bir daha xatırladır ki, toy karvanlarında:

nəqliyyat vasitələrinin sayının məhdud saxlanılması,

yalnız bir hərəkət zolağı üzrə hərəkət edilməsi,

ara məsafəsinin gözlənilməsi,

optimal sürət rejiminin seçilməsi,

içkili halda sükan arxasına keçilməməsi

toy gününün xoşbəxt sonluğu üçün vacib şərtlərdir.

“Unutmaq olmaz ki, sevincli günün acı xatirəyə çevrilməməsi üçün hər bir sürücü məsuliyyətli davranmalı və yol hərəkəti qaydalarına ciddi riayət etməlidir. BDYPİ bir daha bütün hərəkət iştirakçılarını diqqətli olmağa və qaydalara əməl etməyə çağırır”, – müraciətdə bildirilib.

DOĞRU.AZ

image-nerjbanner

  • whatsapp
  • messenger
  • telegram
  • vkontakte
  • odnoklassniki