Bilik Günü münasibətilə müəllimlərə təqdim olunan çiçəklər artıq sadəcə rəsmi bir jest deyil, hörmət və diqqətin göstəricisinə çevrilib.
Doğru.az xəbər verir ki, Gorkunov Group-un çiçək şöbəsinin müdiri Svetlana Qorkunova RT-yə açıqlamasında valideynlərin bu günlərdə daha çox praktik, davamlı və minimalist üslublu çiçəklərə üstünlük verdiyini bildirib. Onun sözlərinə görə, seçilən hər qönçə artıq simvolik məna daşıyır.
Mütəxəssisin qeyd etdiyinə görə, illərdir məktəblilərin əlində ilk sırada qızılgüllər dayanır. Ağ qızılgüllər saflıq və yeni başlanğıcları, qırmızı qızılgüllər dərin minnətdarlığı, çəhrayı qızılgüllər isə hərarət və mehribanlığı ifadə edir. Bu səbəbdən ən çox birinci sinif şagirdlərinin əllərində qızılgül görünür.
Qorkunova əlavə edib ki, müəllimlər üçün populyar seçimlər sırasında xrizantema da yer alır.
DOĞRU.AZ
