Mayın 24-ü və 25-də ölkə ərazisində ümumilikdə 76 cinayət faktı qeydə alınıb. Əvvəlki dövrlərdən bağlı qalan 3 cinayətin də açılması polis əməkdaşları tərəfindən təmin olunub.
Bu barədə Daxili İşlər Nazirliyinin Mətbuat Xidməti Doğru.az-a məlumat verib.
Məlumata əsasən, axtarışda olan ümumilikdə 63 nəfər, o cümlədən borclu şəxs qismində axtarılan 35 nəfər saxlanılaraq aidiyyəti üzrə təhvil verilib.
Narkotik vasitələrin qanunsuz dövriyyəsi ilə bağlı 36, qanunsuz saxlanılan silah-sursatla bağlı isə 11 fakt aşkar edilərək araşdırılır.
Cinayət törətməkdə şübhəli bilinən 69 nəfər hüquq-mühafizə orqanları tərəfindən saxlanılıb.
DOĞRU.AZ
