Hərb, diplomatiya və informasiya müharibəsində azğın düşməni məğlub edib geri otuzduran Azərbaycan müqəddəs Vətən torpaqlarını işğaldan azad edilməsi istiqamətindəki haqq mübarizəsini apararaq parlaq qələbələr əldə etməkdədir.
Doğru.az “Ölkə.Az”a açıqlamasında millət vəkili İqbal Məmmədov deyib.
Onun sözlərinə görə, bu gün qəhrəman Azərbaycan ordusu Ali Baş Komandanın rəhbərliyi altında azğın düşməni təkcə döyüş meydanına ağır itkilərə məruz qoymur, eyni zamanda Ali Baş Komandanın rəhbərliyi altında dövlətimiz, xalqımız düşməni diplomatiya və informasiya müharibəsində də uğursuzluğa düçar etməkdədir. “Bir şeyi də xüsusi ilə qeyd etmək lazımdır ki, bütün cəbhələrdəki savaşın önündə gedən Ali Baş Komandan İlham Əliyev özüdür. Bu gün təkcə Azərbaycan xalqı deyil, ümumiyyətlə dünya cənab Ali Baş Komandan İlham Əliyevin həm xalqını qələbəyə aparan bir dövlət başçısı, həm döyüş meydanında müasir dövrün tələblərinə uyğun şəkildə hərbi əməliyyatlara rəhbərlik edərək, daha az insan itkisi verməklə ən əlverişsiz şəraitdən əlverişli, hərbi cəhətdə strateji mövqelərə sahiblənən dahi bir sərkərdə kimi, həm diplomatiya sahəsindəki qüsursuz diplomatik taktika və gedişləri ilə döyüş meydanında olan qələbəni diplomatiya meydanında uğurla həyata keçirməklə uzaqgörən, müdrik diplomat kimi, həm dünyanın aparıcı media orqanlarına tutarlı, arqumentli, hərtərfəli müsahibələri ilə ermənilərin yalan, iftira dolu informasiyalarını darmadağın etməklə liderlik keyfiyyətlərini müşahidə etməkdədir. Cənab Prezidentin bu liderlik qabliyyətini bildiyi və onları yalnız onun liderliyi altında bütün problemlərinin həll olunacağına inandığı üçün ətrafında sıx biləşiblər. Məhz bu sıx birliyin nəticəsində Azərbaycan daxili siyasətdə, iqtisadiyyatda uğurlar əldə edib və bu gün də 30 ilə yaxındır ki, işğal altında olan torpaqlarımızın işğaldan azad olunması istiqamətində uğurlu xilaskar əks-hücum əməliyyatları həyata keçirilir”, – millət vəkili qeyd edib.
O əlavə edib ki, Azərbaycan xalqı hər gün Ali Baş Komandandan yeni-yeni işğal altında olan azad olunması xəbərini səbrsizliklə gözləyir: “ Cənab Ali Baş Komandan da xalqa bu qələbə müjdəsini verir. Elə bu gün cənab Ali Baş Komandan Zəngilan şəhəri də daxil olmaqla Zəngilan, Cəbrayil, Xocavənd və Fizuli rayonunun bir sıra kəndlərinin işğaldan azad olunması müjdəsini verdi. Bu bir daha cənab Ali Baş Komandanın Azərbaycanın ərazi bütövlüyünün təmin olunması istiqamətində israrlı mövqeyinin və siyasi iradəsinin ortada olduğunu nümyiş etdirir. Odur ki, Azərbaycan xalqı cənab Ali Baş Komadan İlham Əliyevin liderliyi altında tezliklə qələbə sevincini yaşayacaq və bizə Şuşanın və digər işğal altında olan torpaqların azad olunması müjdəsini verəcək”.
Millət vəkili onu da bildirib ki, azğın düşmən öz murdar, fitnəkar niyyətlərindən əl çəkməyərək döyüş, diplomatiya və informasiya meydanındakı məğlubiyyətinin acısını çıxmaq və münaqişənin coğrafiyasını genişləndirmək üçün məqsədi, düşünülmüş formada dinc əhaliyə qarşı hərbi cinayətlər törətməkdədir: “Azğın düşmənin həyata keçirdiyi dəhşətli hərbi cinayətlərini ancaq və ancaq insanlığa, bəşəriyyətə qarşı vəhşilik, qanlı terror aktı, əsl vandalizm və barbarlıq kimi qiymətləndirmək olar. Çox təəssüflə qeyd etmək lazımdır ki, dünya birliyi azğın düşmənin bu vəhşiliyinı qınayıb, onun bu vəhşilikdən geri çəkilməsi və məsuliyyətə cəlb edilməsi istiqamətində konkret addımlar ataması əvəzinə yenə də göz yumub, susması insanlarımızda qəzəb və nifrət hissi oyadır. Onsuz da Azərbaycan cəbhə xəttindən uzaqda yerləşən şəhər və rayonlarımızda törətdiyi vandalizm hərəkətlərinin qisasını döyüş meydanında artıqlaması ilə alır. Düşmənin canlı qüvvəsi və hərbi texnikası məhv edilir. Azğın düşmən qəhrəman ordumuzun qarşısında tab gətirməyərək mövqelərini qoyub qorxaqcasına qaçırlar. Rəşadətli ordumuz Ali Baş Komandanın dediyi kimi azğın düşməni torpaqlarımızdan iti qovan kimi qovur. Ona görə də nə qədər imkanlar tam itməyib və azğın düşmən Azərbaycan tərəfinin ayağına düçməyib, özü xoşluqla cənab Prezident İlham Əliyevin şərtlərini təcili qəbul edib, işğalçı ordusunu torpaqlarımızdan çıxartmaısna razılıq verisn. Odur ki, düşmən cənab Ali Baş Komandan İlham Əliyevin sülh çağırışları ilə bağlı fürsətdən faydalansın. Döyüş, diplomatiya meydanında qalib olmasına baxmayaraq Azərbaycan Prezidenti hər zaman sülhsevərliyini nümayiş etdirərək, məsələni danışıqlar yolu ilə həllinə razıdır. Azərbaycan Prezidenti daha çox insan tələfatına yol verilməməsi üçün belə humanist addımlar ataraq, qarşı tərəfə imkanlar yaradır. Amma azğın düşmən bundan hələ də nəticə çıxarmır. Əks təqdirdə gec olacaq. O zaman diz çöksələr də nəticəsi olmayacaq. Qəhrəman Azərbaycan ordusu döyüş meydanındakı şücaəti, qəhrəmanlığı nəticəsində torpaqlarımız son qarışınadək işğaldan azad olunacaq.
Qəsbkar Ermənistandan fərqli olaraq Azərbaycanın əsas hədəfi ərazi bütövlüyünü təmin edib, bölgədə sülhü bərqərar etməkdir. Azərbaycanən hər hansı ölkənin torpağında gözü olmadığı üçün apardığı mübarizə də haqq uğrunda xilaskarlıq mübarizəsidir. Ona görə də Ali Baş Komadanın liderliyi altında qəhrəman ordumuzun həyata keçirilən xilaskarlıq və sülhə məcburetmə əməliyyatı tezliklə qələbə çalacaq. Bu yolda Ali Baş Komandana və ordumuza uğurlar arzulayıram. Allah ordumuza yar və yardımçı olub, müzəffər etsin. Qarabağ Azərbaycandır! Haqq uğrunda mübarizədə qələbə Azərbaycanladır. Eşq olsun başda cənab Ali Baş Komandan İlham Əliyev olmaqla hər gün Azərbaycan xalqına qələbə sevincini yaşadan müzəffər ordumuza!”
