44 günlük Vətən müharibəsində gənclərimiz Müzəffər Ali Baş Komandan İlham Əliyevin rəhbərliyi altında böyük qəhrəmanlıq göstərərək tarix yazdılar.
Azərbaycan xalqına bu tarixi Zəfəri qazandıran Azərbaycan əsgəri ulu öndər Heydər Əliyev məktəbinin, Prezident İlham Əliyev idarəçiliyinin yetişdirdiyi gənclərdir.
R.Məmmədov görüşdə qeyd edib ki, şəhid ailələri və qazilərin sosial müdafiəsinin gücləndirilməsi ölkəmizdə dövlət başçısı tərəfindən həyata keçirilən sosial siyasətin əsas istiqamətlərindəndir. Vətən müharibəsindən sonra da şəhid ailələrinə və müharibə iştirakçısı olmuş şəxslərə diqqət və qayğı ölkəmizdə yüksək səviyyədədir. Prezident İlham Əliyevin və Birinci vitse-prezident Mehriban Əliyevanın müvafiq göstərişlərinə əsasən dövlət qurumları bu kateqoriyadan olan insanların problemləri ilə yaxından maraqlanır, onların aradan qaldırılması üçün mütəmadi tədbirlər həyata keçirilir. Şəhid ailələrinə və qazilərə qayğı göstərmək dövlətin prioritet vəzifəsidir və Azərbaycan dövləti öz sosial siyasətinin strateji prioritetlərinə sadiqdir.
R.Məmmədov görüşün ərsəyə gəlməsində göstərilən dəstəyə görə Azərbaycan Vətən Müharibəsi Veteranları İctimai Birliyinin Sabirabad rayon şöbəsinin sədri Faiq Hüseynova, Muğangəncəli kənd sakini, Yazıçılar Birliyinin üzvü Rahil Məmmədə və İlqar Əliyevə dərin təşəkkürünü bildirib.
