27 Sentyabr – Anım Günü münasibətilə Dövlət Sərhəd Xidmətinin struktur qurumlarında və hərbi hissələrində silsilə tədbirlər keçirilib.
Doğru.az xəbər verir ki, rəhbər heyət İkinci Fəxri xiyabanı və Zəfər parkını ziyarət edərək şəhidlərin xatirəsini yad edib, məzarlar üzərinə gül dəstələri düzüb.
Tədbirlərdə şəhidlərin qəhrəmanlığı, Qələbənin tarixi əhəmiyyəti və xalqımızın həmrəyliyi qeyd olunub, bir dəqiqəlik sükutla xatirələri yad edilib, Dövlət Himni səsləndirilib. Şəhidlərin döyüş meydanında göstərdiyi şücaət gələcək nəsillər üçün nümunə kimi vurğulanıb, şəxsi heyətə Vətən müharibəsi mövzusunda sənədli film nümayiş olunub.
DOĞRU.AZ
