Xüsusilə külli miqdarda mənimsəmə cinayətində təqsirli bilinən polkovnik Məlikməmməd Qurbanovun cəzası azaldılıb.
Doğru.az xəbər verir ki, Ali Məhkəmə müdafiə tərəfinin şikayəti əsasında qərar qəbul edib. Son qərara əsasən, Qurbanovun cəzası 6 il 6 aydan 6 ilə endirilib. Hökmün digər hissələri isə dəyişdirilmədən saxlanılıb.
Qeyd edək ki, Məlikməmməd Qurbanov 2015–2019-cu illərdə Müdafiə Nazirliyinin Satınalmalar və Təchizat İdarəsinin rəisi vəzifəsində çalışıb. O, 2021-ci ildə Dövlət Təhlükəsizliyi Xidməti (DTX) tərəfindən saxlanılıb.
Xatırladaq ki, Bakı Apellyasiya Məhkəməsinin yekun qərarı ilə polkovnikə 6 il 6 ay həbs cəzası verilmişdi.
Mənbə: Qafqazinfo.az
