Dekabrın 5-də Ədliyyə naziri Fərid Əhmədov Bərdə şəhərində vətəndaşları qəbul edib.
Doğru.az xəbər verir ki, qəbuldan əvvəl nazir Ümummilli Lider Heydər Əliyevin abidəsini ziyarət edərək önünə gül dəstəsi qoyub. Qəbul zamanı Bərdə, Mingəçevir, Yevlax, Ağcabədi, Ağdam və Tərtər rayonlarından 61 vətəndaşın ədliyyə fəaliyyəti və ədliyyə orqanlarında işə qəbulla bağlı müraciətləri dinlənilib.
Vətəndaşların müraciətlərindən bir qismi yerində həll olunub, digərləri isə mövcud qanunvericiliyə uyğun araşdırılması üçün aidiyyəti struktur bölmələrinə göndərilib. Qəbul mərkəzi şəhər və rayonlarda vətəndaşların qəbulu cədvəlinə əsasən təşkil olunub.
DOĞRU.AZ
