Türkiyənin mərkəz solçu Cümhuriyyət Xalq Partiyasının lideri Kamal Kılıçdaroğlu prezident seçkilərində müxalifətin vahid namizədi ola bilər.
Bu məlumatı hökumət dairələrinə yaxın olan “Hürriyyət” qəzetinin köşə yazarı Abdulkadir Selvi açıqlayıb.
O, bildirib ki, müxalifət martın 11-də Ankarada keçiriləcək mitinqdə öz namizədinin adını açıqlayacaq.
Türkiyənin hazırkı prezidenti Rəcəb Tayyib Ərdoğan bir müddət əvvəl ölkədə prezident və parlament seçkilərinin mayın 14-nə təyin edildiyini bildirmişdi. Ərdoğana rəqib olacaq altı müxalifət partiyasının koalisiyası hələ ki, namizədini rəsmən açıqlamayıb.
DOĞRU.AZ
