Moskvanın Basmannı məhkəməsi Fövqəladə Hallar Nazirliyinin Krasnodar diyarı üzrə Baş İdarəsinin rəis müavini Sergey Simonenkonu həbs edib.
Bu barədə TASS hüquq-mühafizə orqanlarına istinadən xəbər verir.
“Simonenko Krasnodardan Moskvaya aparılıb, orada Basmannı məhkəməsi onun barəsində həbs-qətimkan tədbiri seçib”, – agentlik bildirir.
Avqustun 1-də məlum olub ki, müstəntiqlər Fövqəladə Hallar Nazirliyinin Krasnodar diyarı üzrə Baş İdarəsinin rəis müavini, polkovnik Sergey Simonenkonu saxlayıblar . Daha sonra onun üzərində 50-dən çox daşınmaz əmlak və 20 avtomobil tapıldı.
DOĞRU.AZ
