Payız aylarının sevilən meyvələrindən biri olan heyva sağlamlıq üçün bir çox faydalara malikdir. Tərkibində bol miqdarda C vitamini, lif və pektin olan heyva immuniteti gücləndirir, həzm sistemini tənzimləyir və ürək-damar sağlamlığına dəstək olur.
Doğru.az xəbər verir ki, heyva həm təzə yeyilə, həm də mürəbbə, kompot, qovurma və desertlərin hazırlanmasında istifadə edilə bilər. Turş dadlı olmasına baxmayaraq, bişirildikdə şirin və xoş dad qazanan bu meyvə, payız aylarının həm ləzzətli, həm də sağlamlıq üçün faydalı məhsullarından hesab olunur.
Mütəxəssislər heyvanın soyuqdəymə və öskürək zamanı xüsusilə faydalı olduğunu bildirirlər. Heyva həm də payız mətbəxində müxtəlif şirniyyat və desertlərin hazırlanmasında geniş tətbiq olunur.
İlqam Cəbiyev
DOĞRU.AZ
