İran Xarici İşlər Nazirliyi və Beynəlxalq Atom Enerjisi Agentliyinin (MAQATE) nümayəndələri əməkdaşlığın bərpasına diqqət yetirmək məqsədilə danışıqların növbəti mərhələsini təyin ediblər.
Doğru.az xəbər verir ki, bu barədə İslam Respublikasının Atom Enerjisi Təşkilatının (AEOI) rəhbəri Məhəmməd Eslami açıqlama verib. O bildirib ki, tərəflər artıq iki görüş keçirib və üçüncü görüş də planlaşdırılır.
Eslami həmçinin vurğulayıb ki, AEOI-nin MAQATE-yə əsas şikayəti agentliyin idarəetmə sisteminin hegemon nizamın təsiri altında olması ilə bağlıdır və baş direktoru Rafael Qrossinin rolu əsas problem kimi qiymətləndirilir.
Xatırladaq ki, bundan əvvəl ABŞ Dövlət Departamentinin sözçüsü Tammi Bryus İranın MAQATE ilə əməkdaşlığının dayandırılmasının qəbuledilməz olduğunu bildirmişdi.
DOĞRU.AZ
