Regional Nəqliyyat Nazirliyinin mətbuat xidmətindən verilən məlumata görə, təyyarə Krasnoyarsk yaxınlığındakı Çeremşanka hava limanına məcburi eniş edib.
Doğru.az xəbər verir ki, departamentdən TASS-a verilən açıqlamaya əsasən, hazırda hava limanı təyyarənin təcili enişi ilə əlaqədar digər reyslər üçün bağlıdır.
“Təyyarənin Çeremşankaya enməsi faktını təsdiq edirik. Hazırda hava limanında fövqəladə hallar xidməti işləyir”, – Regional Nəqliyyat Nazirliyi İl-76 təyyarəsinin təcili enişi ilə bağlı sualları cavablandırarkən bildirib.
Qeyd edək ki, avqustun əvvəlində göyərtəsində 14 sərnişin olan DHC-6-400 təyyarəsi də Yujno-Saxalinsk hava limanına məcburi eniş etmişdi. Ekipaj havaya qalxdıqdan sonra nasazlıq aşkarlayaraq hava limanına qayıtmaq qərarı vermişdi.
DOĞRU.AZ
