Yanvarın 20-də saat 20:01-də Dövlət Sərhəd Xidmətinin (DSX) Sərhəd Qoşunları Komandanlığının “Lənkəran” sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kiloqram 645 qram marixuana, 3 kiloqram 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
Bu barədə Doğru.az-a DSX-nin mətbuat mərkəzindən məlumat daxil olub.
Bildirilib ki, fakt üzrə əməliyyat-istintaq tədbirləri davam etdirilir.
DOĞRU.AZ
