image-2000x150px
image-970x50px
image-medagbackend

MEDİA Agentliyindən tenderlə bağlı məlumatlara – CAVAB

image-728x90px

Medianın İnkişafı Agentliyi 79 min manat vəsaitin tendersiz xərclənməsi barədə iddialara münasibət bildirib.

Sosial şəbəkələrdə yayılan məlumatda qeyd olunurdu ki, Medianın İnkişafı Agentliyi 9-11 aprel 2021-ci il tarixlərində Bakı şəhərində keçirilən Türkdilli Dövlətlərin Əməkdaşlıq Şurasına üzv dövlətlərin media və informasiya üzrə məsul nazirlərinin və yüksək vəzifəli rəsmilərinin 3-cü toplantısının, habelə Şuranın media və informasiya sahəsində əməkdaşlıq üzrə işçi qrupunun 8-ci iclasının təşkili ilə bağlı “Sinergi Partnerşip” MMC-yə 78 min 927 manat 61 qəpik ödəyib.

İddiaya görə, araşdırma zamanı belə bir tenderin ümumiyyətlə keçirilmədiyi məlum olub. Qanuna görə isə ehtimal olunan qiyməti 50 min manat və daha çox olan bütün dövlət satınalmaları tender vasitəsilə həyata keçirilməlidir.

Medianın İnkişafı Agentliyi açıqlama yayaraq məsələyə münasibət bildirib.

Agentliyin açıqlamasında qeyd edilib ki, “Dövlət satınalmaları haqqında” qanununa əsasən dövlət satınalmaları tətbiq şərtlərindən asılı olaraq müxtəlif metodlarla həyata keçirilə bilər:

Oxumağa dəyər:   “Huawei” şirkəti “6G” rabitəsi üçün peyklər buraxacaq

“Tender, təkliflər və kotirovka sorğusu kimi bir mənbədən satınalma da qanunla müəyyənləşdirilən metodlardan biridir. Belə ki, təcili tələbat yarandıqda və tender prosedurlarının keçirilməsi və ya satınalmanın hər hansı digər metodundan istifadə edilməsi məqsədəuyğun olmadıqda; tələbatın təcili olmasına gətirib çıxarmış halları qabaqcadan görmək qeyri-mümkün olduqda və ya bu hallar satınalan təşkilatın ləngiməsinin nəticəsi olmadıqda həmin təşkilatın qeyd olunan metoddan istifadə etmək hüququ vardır.

Beləliklə, MEDİA Agentliyi Türkdilli Dövlətlərin Əməkdaşlıq Şurasına üzv dövlətlərin və müşahidəçi dövlətin media və informasiya üzrə məsul nazirlərinin və yüksək vəzifəli rəsmilərinin III toplantısının, habelə Şuranın media və informasiya sahəsində əməkdaşlıq üzrə işçi qrupunun VIII iclasının 09-11 aprel 2021-ci il tarixlərində Bakı şəhərində keçirilməsinin təşkili məqsədilə istinad olunan hüququndan istifadə edib.

Yaşadığımız tarixi mərhələdə xüsusi əhəmiyyət kəsb edən beynəlxalq səviyyəli tədbir həm yerli, həm də xarici mediada geniş işıqlandırılıb.

Oxumağa dəyər:   “Sputnik V” Türkiyədə istehsal olunacaq

Təəssüflə qeyd etmək istərdik ki, cəmiyyətdə baş verən hadisələrin mediada ədalətli, balanslı, obyektiv və qərəzsiz işıqlandırılması jurnalistikanın ən başlıca vəzifələrindən olsa da, peşəkar və məsuliyyətli jurnalistikanın formalaşdırılması istiqamətində həyata keçirilən tədbirlər bir sıra media nümayəndələri tərəfindən hələ də tam mənimsənilməyib.

İnanırıq ki, media sahəsində həyata keçirilən və Agentliyin də əsas tərkib hissəsi olduğu islahatlar yaxın gələcəkdə öz bəhrəsini verəcək və ali məqsədi həqiqəti yaymaq, əsas peşəkarlıq meyarı isə obyektivlik olan keyfiyyətli jurnalistikanın əhatə dairəsi daha da genişlənəcək”.

DOĞRU.AZ 

image-728x90px

  • whatsapp
  • messenger
  • telegram
  • vkontakte
  • odnoklassniki