Bloomberg yazır ki, G7 ölkələri Qlobal Cənub nümayəndələrinə bildiriblər ki, Rusiya qoşunlarının Ukraynadan çıxarılması Ukrayna böhranının həlli üçün istənilən sülh razılaşması üçün zəruri şərtdir.
“G7 rəsmiləri Kopenhagendə Hindistan, Türkiyə, Braziliya, Cənubi Afrika və Səudiyyə Ərəbistanından olan həmkarları ilə Vladimir Zelenskinin sülh formulu və Ukrayna prezidentinin bu təkliflər üzrə qlobal sammit keçirmək səylərini müzakirə etmək üçün görüşüblər”, – agentlik yazıb.
Qeyd olunur ki, Çin nümayəndələri dəvətə baxmayaraq görüşə məhəl qoymayıblar.
Bundan əvvəl Danimarkada Ukrayna münaqişəsinin həlli ilə bağlı gizli görüşün keçirildiyi məlum olub.
Mənbə: TASS
