Nizami rayonu ərazisində gecə saatlarında avtomobil təmiri sexlərinin qarşısından 2 mühərrik və dəmir materiallar oğurlanıb.
Doğru.az xəbər verir ki, ümumi dəyəri 2000 manat olan əmlakın oğurluğu ilə bağlı Nizami Rayon Polis İdarəsinin 23-cü Polis Şöbəsi əməkdaşları tədbir görüblər.
Tədbirlər nəticəsində əməli törətməkdə şübhəli bilinən, əvvəllər məhkum olunmuş 30 yaşlı N.Hüseynov müəyyən edilərək saxlanılıb.
Həmçinin Nərimanov rayonunda marketlərdən birindən oğurluq etməkdə şübhəli bilinən 26 yaşlı E.Məlikzadə də polis tərəfindən saxlanılıb.
Faktlarla bağlı araşdırmalar davam etdirilir.
DOĞRU.AZ
