Azərbaycan Ordusunun Təlim və Tədris Mərkəzində zabit təkmilləşdirmə kursunun növbəti buraxılış mərasimi baş tutub.
Doğru.az xəbər verir ki, mərasim cari ilin hazırlıq planına uyğun olaraq dekabrın 9-da keçirilib.
Əvvəlcə Ümummilli Lider Heydər Əliyevin və Vətən uğrunda şəhid olanların xatirəsi anılıb, Dövlət Himni səsləndirilib. Tədbirdə çıxış edən mərkəzin rəisi polkovnik Nizami Mövlanov ordu quruculuğunda peşəkar kadr hazırlığının vacibliyini vurğulayıb, kursu uğurla tamamlayan hərbçiləri təbrik edib.
Dinləyicilər onlara göstərilən diqqət və qayğıya görə minnətdarlıq ediblər. Təlimlərdə yüksək nəticə göstərənlərə fəxri fərman və sertifikatlar təqdim olunub, kurs birincisi mayor Pərviz Quliyev yaş kötüyünə rəmzi emblem vurub.
DOĞRU.AZ
