Ölkəmizdə rəsmi səfərdə olan Pakistan Milli Assambleyasının sədri Sərdar Ayaz Sadiqin başçılıq etdiyi nümayəndə heyəti iyulun 7-də Bakıda yerləşən Zəfər parkını ziyarət edib.
Doğru.az AZƏRTAC-a istinadən xəbər verir ki, qonağın şərəfinə burada fəxri qarovul düzülüb və Sərdar Ayaz Sadiq Zəfər abidəsinin önünə əklil qoyub.
Qonaqlara məlumat verilib ki, Azərbaycan xalqının 44 günlük Vətən müharibəsində göstərdiyi qəhrəmanlığın və qazanılan tarixi Qələbənin əbədiləşdirilməsi məqsədilə yaradılan parkın ərazisi 10 hektara yaxındır. Parkın girişində hündürlüyü 44 metr olan Zəfər tağı ucaldılıb. Tağın eni 22 metr, sütunlarının sayı isə 44-dür.
Xatırladaq ki, parkın açılışı 2024-cü il noyabrın 8-də Prezident İlham Əliyev və birinci xanım Mehriban Əliyevanın iştirakı ilə baş tutub.
DOĞRU.AZ
