Polşa təhlükəsizlik qüvvələri Somalidən olan 5 miqrantı döyərək sərhəddən Belarus tərəfinə atıblar.
RİA Novosti bu barədə Belarus Dövlət Sərhəd Komitəsinə istinadən xəbər verir.
“Polşa təhlükəsizlik qüvvələri döyülmüş beş qaçqını Belarus ərazisinə atıb <…> Dünən, mayın 17-də Belarus sərhədçiləri Polşa ilə sərhəddə döyülmüş beş Somali vətəndaşını aşkar ediblər.
İdarənin məlumatına görə, Belarus hərbçiləri əcnəbi vətəndaşlara tibbi yardım göstərib, təcili yardım və istintaq qrupu çağırıblar.
Qeyd olunur ki, hadisə yerinə gələn həkimlər qaçqınların üzərində ətrafların zədələnməsini və sıyrıqlarını qeydə alıblar. Üç Somalili xəstəxanaya yerləşdirilib, qalanları araşdırma üçün müstəntiqlərə təhvil verilib.
Mənbə: RİA Novosti
