Misirin xarici işlər naziri Bədr Əbdül Ati Qahirənin Qəzza zolağında tezliklə atəşkəs razılaşmasına ümid etdiyini bildirib.
Doğru.az xəbər verir ki, nazir bu fikirləri Misirin “Əl-Qahirə əl-İxbariyyə” telekanalına müsahibəsində səsləndirib. Onun sözlərinə görə, Qahirə bu sazişin tez bir zamanda bağlanması üçün ciddi səylər göstərir.
“Ümid edirik ki, bu, tezliklə baş verəcək”, – deyə o bildirib. Bu açıqlama TASS agentliyi tərəfindən yayımlanıb.
Qeyd edək ki, iyulun əvvəlində Reuters agentliyi İsrail və HƏMAS arasında danışıqların ilk sessiyasının nəticəsiz başa çatdığını bildirmişdi.
DOĞRU.AZ
