Qazaxıstanın Almatı vilayətində göyərtəsində üç ekipaj üzvünün olduğu güman edilən EC-145 tipli helikopter radarlardan itib.
Doğru.az xəbər verir ki, bu barədə Qazaxıstan Müdafiə Nazirliyi məlumat yayıb.
Bildirilib ki, 2025-ci il iyulun 25-də Qazaxıstan Silahlı Qüvvələrinin Hava Hücumundan Müdafiə Qüvvələrinə məxsus helikopter planlı uçuş zamanı əlaqə sistemlərindən itib. Hazırda axtarış-xilasetmə əməliyyatları davam etdirilir.
Qazaxıstan müdafiə nazirinin göstərişi ilə hadisənin səbəblərini araşdırmaq üçün xüsusi komissiya hadisə yerinə ezam olunub.
Qeyd edək ki, bundan əvvəl Rusiyanın Amur vilayətində An-24 tipli təyyarənin qəzaya uğraması nəticəsində 48 nəfər həyatını itirmişdi.
DOĞRU.AZ
