image-2000x150px
image-ba685b6c-5e47-468d-8439-fa6f0c054a5cbackend

Qətərdə dahi şair və görkəmli mütəfəkkir Nizami Gəncəvinin 880 illik yubileyinə həsr edilən tədbir keçirilib – FOTOLAR

image-728x90px

Azərbaycan Respublikası mədəniyyət nazirinin birinci müavini Elnur Əliyevin rəhbərlik etdiyi nümayəndə heyəti Qətər Dövlətində səfərdədir.

Dekabrın 5-də Azərbaycan Respublikasının Qətər Dövlətindəki Səfirliyi və Qətər Milli Kitabxanasının (QMK) birgə təşkilatçılığı ilə Doha şəhərində dahi şair və görkəmli mütəfəkkir Nizami Gəncəvinin 880 illik yubileyinə həsr olunmuş tədbir keçirilib.

Tədbirdə QMK-nin rəhbəri, Qətərin Baş Nazirin müavini rütbəsində dövlət naziri Həməd bin Əbdüləziz Əl-Kavari, Azərbaycan mədəniyyət nazirinin birinci müavini Elnur Əliyev və fəlsəfə doktoru, Fəlsəfə və Sosiologiya Akademiyasının təsisçisi Mail Yaqub çıxış ediblər.

Dövlət naziri Həməd Əl-Kavari öz nitqində bildirib ki, iki ölkə arasında mədəniyyət sahəsində əlaqələr son dövrlərdə xeyli inkişaf edib. Dövlət naziri dahi Nizami Gəncəvinin yubileyini qeyd etməkdən məmnunluğunu ifadə edib, Azərbaycan və Qətər xalqları arasında mədəni bağların mövcud olduğunu və bu kimi mədəni tədbirlərin digər sahələrdə də ikitərəfli münasibətlərin inkişafı üçün körpü rolu oynadığını vurğulayıb.

Tədbirdə çıxış edən nazirin birinci müavini Elnur Əliyev humanizm, gözəllik, sevgi, gender məsələləri və mehriban qonşuluq kimi mövzuların Nizami Gəncəvinin yaradıcılığında başlıca yer tutduğunu diqqətə çatdırıb. E.Əliyev qeyd edib ki, dahi mütəfəkkirin yaşadığı əsrdə dünyanın bir çox bölgələrində zorakılıq geniş yayılsa da, Nizami Gəncəvi yaradıcılığı sülh, ədalət, sevgi və şəxsi inkişaf kimi mövzuları tərənnüm edib. Nizaminin “Xəmsə”sinin regionumuzun hüdudlarından çox uzaqlarda belə şöhrət tapdığını, dərindən araşdırılıb tədqiq edildiyini və bir çox şairlərin Nizami üslubunu təqlid etdiklərini qeyd edib. Nazir müavini dahi şairimizin 880 illik yubileyinin Qətərdə qeyd olunmasına görə təşəkkürünü ifadə edərək, gələcək illərdə ədəbiyyat və poeziya sahəsində birgə səylərin daha da gücləndiriləcəyinə ümidvar olduğunu bildirib.

Çıxışların ardınca iki ölkə arasında mədəniyyət sahəsində əlaqələrin inkişafına və Nizami irsinin tədqiqinə töhfə olaraq, Həməd Əl-Kavari Nizami Gəncəvinin poemalarının Qətər Milli Kitabxanasında saxlanılan qədim əlyazmaları və miniatürlərinin elektron nüsxələrini Elnur Əliyevə təqdim edib.

Tədbir zamanı, həmçinin sözügedən qiymətli əlyazmaların orijinal nüsxələri tədbir iştirakçıları üçün sərgilənib.

Daha sonra fəlsəfə doktoru Mail Yaqub Nizami Gəncəvi yaradıcılığında kamil insan və onun xüsusiyyətləri mövzusunda çıxış edib. Fəlsəfə doktoru, N.Gəncəvinin İslam peyğəmbəri ilə əlaqədar beytlərdən nümunələr oxuyaraq, onların bədii-fəlsəfi təhlilini verib. N.Gəncəvinin hətta romantik məzmunlu əsərlərində belə ictimai, siyasi və fəlsəfi fikirləri ustalıqla təqdim edə bildiyini deyərək, məhz bu səbəbdən orta əsrlərdə ona “həkim” (müdrik, filosof) adının verildiyini söyləyib.

Qeyd edək ki, səfər çərçivəsində Elnur Əliyev Qətərin dövlət naziri Həməd bin Əbdüləziz Əl-Kavari ilə görüş keçirib.

Daha sonra E.Əliyev Qətər Milli Kitabxanasının fəaliyyəti ilə tanış olub, Qətər televiziyasına müsahibə verib.

DOĞRU.AZ

image-8ae34f93-c456-4107-8b09-f7eba8300308 image-baa8cdce-fd5e-42e7-ab01-64b333eb72ed image-4857b87f-f86c-467b-8fd0-7a98ce6855eb image-26d1d6d5-e2ed-4dc8-8437-24a80b8f776f image-328b4bd5-2e2c-4d8e-a342-0570406999eb image-f18cfc63-8a92-43bc-bfbe-0048a9817ffb image-c600e6c7-0c33-474b-8396-5621cd448024 image-3dbaae6a-3d51-4cc7-9a1f-7ba1fc01bc0d

image-728x90px

  • whatsapp
  • messenger
  • telegram
  • vkontakte
  • odnoklassniki