Qırğızıstanın Ombudsmanı Cəmilə Camanbayeva Rusiyadakı İnsan Hüquqları üzrə Müvəkkili Tatyana Moskalkova ilə görüşüb və onunla Moskva hamamlarından birinə təhlükəsizlik qüvvələrinin son basqını müzakirə edib. O, Moskalkovadan respublika vətəndaşlarının hüquqlarının qorunmasına köməklik göstərməsini xahiş edib.
Camanbayevanın mətbuat xidmətinin qeyd etdiyi kimi, onun rusiyalı həmkarı vəziyyəti nəzarətdə saxlamaq niyyətindədir.
“Ölkəmizdəki mövcud vəziyyət təhlükəsizliyin gücləndirilməsini tələb edir. Amma təhlükəsizlik tədbirləri gücləndirilərkən vicdanlı insanların hüquqları pozulmamalıdır”, – Qırğızıstan Ombudsmanının ofisi onun sözlərini sitat gətirir.
Aprelin 14-də mətbuatda Moskvada miqrantların yerləşdiyi hamamlardan birində əməliyyat keçirildiyi barədə məlumat yayılıb.
Sonradan məlum olduğu kimi , əməliyyatı Rusiya Daxili İşlər Nazirliyi və FSB həyata keçirib. 59 əcnəbi polis şöbəsinə aparılıb, 25 nəfərə qarşı Rusiyaya giriş qaydalarını pozma maddəsi ilə inzibati məsuliyyətə cəlb edilib.
DOĞRU.AZ
