Qırğızıstan Prezidenti Sadır Japarov ölkədə növbədənkənar parlament seçkilərinin tarixini təsdiqləyib.
Doğru.az xəbər verir ki, dövlət başçısının imzaladığı sərəncama əsasən, Joqorku Keneş (parlament) deputatlarının seçkiləri 2025-ci il noyabrın 30-da, bazar günü keçiriləcək.
Qırğızıstan parlamentinin spikeri Nurlanbek uulu Turqunbek daha əvvəl seçkilərin bu tarixdə baş tutacağını açıqlamışdı.
Xatırladaq ki, sentyabrın 25-də Qırğızıstan parlamenti özünün buraxılması barədə qərar qəbul etmişdi.
DOĞRU.AZ
