Finlandiya Xarici İşlər Nazirliyi bildirib ki, Rusiya əlavə hərbi yoxlamaların aparılmasına dair razılaşmanın ləğvi barədə ölkəni xəbərdar edib.
Bu barədə TASS məlumat yayıb.
“Bu gün Finlandiya Rusiyadan iyunun 1-dən əlavə hərbi [təftiş] səfərləri ilə bağlı ikitərəfli sazişdən çıxacağı barədə məlumat aldı”, – Finlandiya nazirliyinin bəyanatında deyilir.
Bundan əvvəl bildirilmişdi ki, Finlandiyanın “Qasum” dövlət enerji şirkəti Rusiyanın “Qazprom Eksport” şirkətindən təbii boru kəməri qazının tədarükünə dair uzunmüddətli müqaviləyə xitam vermək qərarına gəlib. Qeyd olunub ki, tərəflər mübahisəni məhkəmənin müəyyən etdiyi müddətdə həll edə bilməyib.
